حرص أحمد زاهر المدير الإداري لنادي بيراميدز، على توجيه رسائل خاصة، بعد الخسارة من الأهلي، بهدف نظيف، في المباراة التي جمعتهما ضمن الجولة الـ31 من بطولة الدوري المصري.
وكتب زاهر عبر حسابه الرسمي على موقع التواصل الاجتماعي" فيس بوك":"والله أبطال إن إحنا بنافس، العب من غير الشيبى ده موقوف، حاضرالعب من غير رمضان صبحى وهو فى أعلى فورمه وكان رايح منتخب بحجة منشطات وهمية حاضر.
اقرأ أيضا
الأهلي يتحرك لحسم صفقة عطية الله ..عرض جديد بمليون و200 ألف دولار
الاتحاد المكسيكي يعلن تعيين خافيير أجيري مديرا فنيا للمنتخب
وأضاف:"إبراهيم عادل واحد من أحسن اللاعيبة في مصر هيلعب معاك وبعدها يسافر، لا معلش ده مصاب يوم ١٢ ويلعب مع المنتخب ١٤ سبحان الله مع إن حقى إنه ميروحش خالص بس برضه حاضر ".
وأوضح:"أكتر حاجة مضحكانى فى موضوع إبراهيم عادل تصريحات عضو مجلس الجبلاية إن اتفاق لعب إبراهيم عادل اللى هو حقى أصلا وممكن ما يسافرش عادي بقرار مني كان بعلم المنافس طب هو ماله بالموضوع أصلا.إعادة شوط سموحة مع إن اللائحة واضحة وبتقول المباراة تحتسب لبيراميدز .. بس برضه تاني حاضر".
وتابع المدير الإدارة لنادي بيراميدز:"أول فريق يلعب بعد التوقف الدولى بيومين مع إن عنده نص الفريق مع المنتخبات في مخالفة صريحة للائحة، حاضر، انت لازم تلعب الساعة ٤ وبعدها ٥ ونص في عز الحر مع إني بنافس ، بس المنافس يلعب عادي بالليل حاضر". واختتم:"معلش أصل حكم مباراة المقاولون المفروض ميحكمش كارت معاهم لوقت اللزوم نطلعه، ظلم واضح من حكام مباراتين الدوري ويقولك الدورى ذهب لمن يستحق، ناس في الرابطة واتحاد الكرة طلعوا يهاجموا النادي لمجرد إنه بيدور على حقوقه وتقولي منافسة إحنا أبطال والله".
