أعلن النادي الأهلي، إصابة كريم فؤاد لاعب النادي الأهلي بقطع في الرباط الصليبي، بعد تعرضه للإصابة في مباراة سموحة الماضية بالدوري المصري.
وكتب كريم فؤاد عبر حسابه الرسمي على موقع التواصل الاجتماعي " فيس بوك":"كل خسارة دُونَ الجنة ، فهي دُون، اللهم لك الحمد كما ينبغي لجلال وجهك وعظيم سلطانك ، الدنيا دار إبتلاء وشقاء ودايماً الإبتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها".
اقرأ أيضا
كورابيا يكشف تطور جديد في أزمة أحمد فتوح .. عينة غير دقيقة
عادل مصطفى يعتذر للجماهير المصرية بعد الخسارة من المغرب
وأضاف لاعب الأهلي: "دا بيكون إختبار ليك هتعمل ايه في الموقف دا ، وان الإختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمه اوي مقابل اني اصبر على الإبتلاء دا".
وأوضح:"انا كان مكتوبلي اصابة في الرباط الصليبي للمره التانيه ، بس عندي احساس تاني خالص مع الإختبار دا ، انه انا في نعمة كبيرة اوي وان الحمدلله ربنا رزقني بإختبار سهل وهين أوي مقابل إبتلاءات ناس تانيه اصعب من دا بكتير".
وواصل:" دا كمان إختبار مش جديد عليا بَعيده للمرة التانية في وقت قصير ف هعرف اتعامل معاه بشكل كويس ويمكن احسن، عشان كدا بحمد ربنا ان الإبتلاء اللي هاخد عليه اجر كبير وعظيم مش بالصعوبة القاسية اللي توجعني وتهدّني".
واختتم:"انا بحمد ربنا وراضي ومؤمن جداً إن ربنا بيحبنا نقرب منه بالعبادات اللي منها الصبر والدعاء".
