انتقد أحمد حسام ميدو، نجم نادي الزمالك ومنتخب مصر السابق، إمام عاشور نجم النادي الأهلي، بعد مستواه مع الفريق خلال الفترة الماضية.
ووجه ميدو في تصريحات تليفزيونية رسالة للاعب قائلا: "إمام عاشور على المستوى البدني أقل كتير، والسنة اللي فاتت كان أقوى، ميزة إمام كانت أنه اللعيب الوحيد في مصر بمركز وسط الملعب اللي بيعرف ياخد الكرة ويجري 30 ياردة".
اقرأ أيضا
خاص| قرار مفاجئ من الأهلي بشأن عقوبات السوبر الإفريقي .. موقف إمام عاشور وربيعة
أسباب استبعاد إمام عاشور من قائمة منتخب مصر.. وموقف حجازي والنني
وأوضح: "الجاهزية البدنية اللي عنده كانت بتخليه يعمل مجهود كبير ويصوب من بعيد، ودي بتقل لما المستوى الذهني مبيقاش صافي ومركز".
وأضافنجم الزمالك السابق: "عندنا العقلية زي محمد صلاح راجل وصل أنه هداف روما الإيطالي ومش عاجبه، لأ عايز يطور من نفسه ويبقى أحسن كمان، ويشوف العيوب اللي عنده ويحسنها، ويبقى أقوى في إنهاء الهجمات".
وواصل: "تفسيري لـ تراجع مستوى إمام عاشور هو الضجة اللي حصلت عند التعاقد معه، وده طبيعي من النادي الأهلي إنه يفوقه، وده اللي لازم يوصل لـ دماغ إمام عاشور".
واستطرد: "لو أنا مكان إمام عاشور أختفي، ومنزلش ولا صورة ولا فيديو ليا إلا لما أكسب فرقتي يوم 20 أكتوبر أمام فريق سيراميكا كليوباترا".
وختم ميدو تصريحاته قائلًا: "نصيحتي ليه إنه يختفي ويشتغل على نفسه وينام كويس ويركز كويس عشان يرجع لمستواه مع الأهلي في بطولة السوبر المصري".
