هاجم أحمد دياب، رئيس رابطة الأندية بعض الإعلاميين، بسبب الضغط على توقيع العقوبات تجاه جماهير الفريق المنافس، وذلك خلال برامجهم الفضائية الخاصة.
وتحدث أحمد دياب في تصريحات تلفزيونية، عن العقوبات تكون وفقاً لللوائح، وليست وفقاً لبعض التوجيهات الإعلامية.
اقرأ أيضا
رابطة الأندية تعلن عقوبات الجولة الـ15.. إيقاف جماهير الأهلي والزمالك وغرامات مالية ضخمة
موعد مباراة الأهلي وحرس الحدود في الدوري المصري والقنوات الناقلة
وقال أحمد دياب:"فيما يخص عقوبات الجماهير، أنا بوجه الشكر لكل الإعلاميين في مصر .. لكن علشان اكون واضح ومحدد في بعض منهم بيتكلم في عقوبات الجماهير وعايز يأخذنا في سکه احنا مش هنخش فيها ولا هنخش في مهاترات فيها".
وتابع رئيس رابطة الأندية:"العقوبات بتصدر وفق لوائح وبتكون لفرض الانضباط داخل الاستاد وبنكون حريصين جدا على تطبيق اللائحة ومفيش حد هيوجهنا لحاجه بالعكس تماما ولا حد كان سبب في العقوبات ولا طلعت علشان كده".
وأضاف:"العقوبات دايما بتصدر بعد 48 ساعه بعد نهايه الجولة مفيش حد في الرابطه بيبص غير على مصلحة الكرة المصرية والأندية والدوري".
واختتم:"أنا بوجه نداء لكل احنا عايزين المصلحة العامة والإيجابية علشان نوصل للكورة المصرية للشكل اللي بنتمناه بعيدا عن المصلحة الشخصية أو أننا نكسب بنط على حسابها".
التعليقات السابقة