أشاد أحمد حسام ميدو عضو لجنة التخطيط السابق بنادي الزمالك، بجون أدوارد المدير الرياضب لنادي الزمالك في الفترة الحالية، خاصة بعد أن نجح في عدم تسريب أخبار الفريق للإعلام في الفترة الماضية.
وكتب ميدو عبر حسابه الشخصي على موقع التواصل الاجتماعي" أكس":"اللي بيحصل في الزمالك دلوقتي عظمه وطول عمري بحلم ان فريق الكورة يتقفل عليه ويبقى معسكر الزمالك كأنه ثكنه عسكرية وأنا متفائل خير إن فريق الكورة على الطريق الصحيح".
اقرأ أيضا
ميدو يودع شيكابالا برسالة مؤثرة: قيمة فنية نادرة.. وأسطورة خالدة
خاص كورابيا | الزمالك يطرد صفقة ميدو بتوصية جون إدوارد
وأضاف لاعب الزمالك السابق:"بقالنا سنين بنعاني من تسريب اخبار الفريق بقالنا سنين بنعاني من الناس اللي فاكرين الزمالك ورث شرعي وان الشغل فيه حق مكتسب حتى ولو ماعندكش اي مؤهلات أنا والله ما ليا مصلحة مع أي حد جوه النادي دلوقتي ولا حتى بتكلم مع اي حد جوه النادي لا بكلم حد ولا برد على حد وقررت ان الفترة الحالية ارجع مشجع بس ارجع اروح ماتشات الزمالك من غير ما يكون ما بيني ومابين اي مسؤول في النادي اي كلام وأنا كزمالكاوي مبسوط جدا ومتفائل ان ان شاء الله الزمالك بنظامه الاحترافي الجديد هيكون منافس قوي على كل البطولات اللي هيشارك فيها الموسم ده.. الزمالك أولًا".
وعاد الزمالك للتدريبات مرة أخري، أمس الأحد، تحت قيادة المدرب البلجيكي يانيك فيريرا المدير الفني الجديد للفريق الأبيض، استعدادًا للموسم الجديد.
التعليقات السابقة