كشف مدحت عبدالهادي، لاعب الزمالك السابق، حقيقة سبه للنادي الأهلي خلال مباراة الأبيض ضد سموحة الأخيرة بالدوري.
وكتب مدحت عبدالهادي عبر حسابه الرسمي على منصات التواصل الإجتماعي:"أنا طول عمري لا شتام ولا سباب، وعمري ما اتربيت إني أغلط في حد. أنا زملكاوي لحد النخاع وبشجع بيتي بكل حب، الفيديو المتداول ده للأسف متاخد ومجتزأ من سياقه الحقيقي، والكلام كان أصلاً بيني وبين واحد من الجماهير اللي كان بيشتم، وكنت بقوله له ماينفعش تقول كده، لكن اتقص جزء من الكلام واتنشر بشكل يوحي بمعنى تاني خالص علشان يعمل فتنة بين الجمهورين".
وتابع:"أنا مافيش عندي أي داعي أو سبب إني أسيء للأهلي أو لأي جمهور منافس، بحترم الأهلي وجمهوره وإدارته وبحترم كل جماهير الأندية المنافسة، لأن دي مش أخلاقنا ولا دي الطريقة اللي المفروض نشجع بيها".
وأنهى:"الكورة منافسة جوه الملعب بس، إنما بره الملعب الاحترام هو اللي لازم يجمعنا كلنا".
وكان الأهلي قد تقدم ببلاغ ضد مدحت عبدالهادي صباح اليوم الخميس بسبب ظهوره عبر مقاطع الفيديو والتي أظهرت سبه للأحمر، للتفاصيل هنا.
اقرأ أيضا
الزمالك يخوض مرانه الأول في الجزائر اليوم استعدادا لمواجهة اتحاد العاصمة
التعليقات السابقة