انتقد الإعلامي أحمد شوبير، تصريحات أحمد سليمان، عضو مجلس إدارة نادي الزمالك بشأن مطالبته بإلغاء بطولة الدوري المصري.
كان أحمد سليمان، قال في تصريحات تلفزيونية عبر فضائية "إم بي سي مصر:"يجب إلغاء الدوري المصري، بسبب الارهاق الذي ظهر على لاعبي منتخب مصر في مباراة بوركينا فاسو خلال الشوط الثاني".
اقرأ أيضا
ملامح تشكيل منتخب مصر ضد بوركينا فاسو.. وموقف الشناوي وشوبير
محمد الشناوي يوجه رسالة عتاب صادمة بسبب شوبير.. ماذا قال؟
وقال أحمد شوبير، في تصريحات تلفزيونية عبر فضائية "أون تايم سبورتس": "لما يطلع عضو مجلس إدارة في نادي كبير جدًا يقولك (الغوا الدوري عشان اللعيبة مرهقة)!! ياعم الكلام ده من سنة 90 إنت عايش في زمن قديم".
وواصل شوبير: "هو في حاجة اسمها كده! الغوا الدوري إيه! هو الدوري ده دور رمضانية إحنا عملينها تحت البيت كده واللي يكسب ياخد 5 جنيه ونديله طقم ملابس، ده دوري عام دوري بإسم مصر يكسبه بقى الأهلي يكسبه بيراميدز ويكسبه الزمالك اللي يكسبه يكسبه".
وأضاف: "عضو مجلس الإدارة يقولك أصل اللعيبة مرهقة، ياراجل ياواد يا واد إيه الفكاكة دي، إحنا عندنا حقوق بث ورعاه، ياراجل إيه الكلام الفارغ ده ولو مش عارف تتكلم متطلعش ملوش لازمة طلوعك.. عيب والله".
